April-May chhunga film thar chhuak turte

Kumin April leh May inkar chhung hian film industry lian leh hriat hlawh tak tak aṭangin film thar ṭhahnem tak tih chhuah a ni dawn a, box office lamah boruak lian tak an siam rin a ni.

Warner Bros. kutchhuak 'Sinners' chu nimin khan tih chhuah a ni a, Creed movie leh Black Panther aṭanga kan hriat lar Michael B Jordan channa niin Ryan Coogler direct, horror film lam rawng kai a ni. Marvel kutchhuak 'Thunderbolts' chu May 2 hian tih chhuah tum a ni a, anti-hero lam tarlanna a ni thung. Disney animation hit tak Lilo & Stitch live action adaptation pawh May 23 hian tih chhuah hman tum niin, a hma ami aiin a hit zawk beisei a ni. Kum 14 zet liam hnuah American horror movie 'Final Destination 5' chhunzawmna 'Final Destination Bloodline' chu May 16 hian a chhuak dawn a, Zach Lipovsky leh Adam Stein direct niin original film 2000 a tih chhuah tawh chhunzawm zelna a ni. Sony kutchhuak 'Karate Kid: Legend' chu May 30 khian tih chhuah hman tum a ni bawk aa, Ralph Macchio leh Jackie Chan te an in lan leh dawn a ni.