Chanel brand ambassador-ah Ananya Panday

French luxury brand, Chanel chuan Nilaini liam ta khan Bollywood star Ananya Panday chu India mi zinga hmasa ber ni turin brand ambassador atan an ruat thu an puang. Ananya-in Paris-a 'Chanel Spring/Summer 2025 Show' a chhim hnua ruat a ni tih an tarlang bawk.

Ananya Panday hian film hrang hrangah hnuhma nei tawhin Gehraiyaan (2022), Kho Gaye Hum Kahan (2023), leh CTRL (2024) bakah comedy series Call Me Bae (2024) ah te in lan tawh a ni. Gen Z tana fashion icon tih theih hial tur a ni bawk.

Ananya chuan Instagram kal tlangin,"Channel nena kan thawk dun thei tur hi ka lawmin ka phur tawh takzet a ni" tiin a nihna thar hmang hian post a siam a ni.