Leicester Square-ah SRK leh Kajol lim

Bollywood film hit, 'Dilwale Dulhania Le Jayenge'-a changtute, Shah Rukh Khan leh Kajol te lim chu kumin kumtawp lam hian London-a Leicester Square-ah khuh hawn a ni dawn.

Lim hi Indian cinema-a longest running film,'Dilwale Dulhania Le Jayenge' kum 30 tlinna puala siam a ni dawn a ni. Heart of London Business Aliance-a deputy chief executive, Mark Williams chuan DDLJ chu Bollywood film zinga hlawhtling ber pawl a ni tih a sawi. He film hi Bollywood Rome and Juliet film tia sawi ṭhin a ni a, kum 1995-a Yash Ral Films tih chhuah a ni.