Billboard 200: No 1-ah Ariana Grande a rawn kir e

Ariana Grande chu Billboard 200 album chart chung ber luah turin a rawn kir leh a, 2024 album deluxe edition, 'Eternal Sunshine' chu No 1 a rawn nih pui leh ta.

'Eternal Sunshine' deluxe edition hi chart hmasa lama No 87 aṭangin chart tharah hian No 1-ah a rawn inhlangkai dawrh a ni. He edition-ah hian hla thar paruk a dah belh a, kar liam ta chhung khan US-ah equivalent album unit 137,000 neiin a kar hmasa aia a sanna hi 968% zet a tling. A album-a hlate hian on-demand official stream mtd 98.45 hu an nei bawk. Traditional album sale hi 61,000 niin, Top Album Sales-ah pawh No 1 a rawn ni bawk.

Grande hian 'Eternal Sunshine' original ah hian hla 13 a dah a, kum 2024 March thlaa a tih chhuah khan Billboard 200-ah hian No 1 a rawn nihpui nghal a, kar hnih chhung No 1-ah a awm. Kum khat chuang hnuah deluxe version chu No 1-ah a rawn lanpui leh thei ta bawk a ni. Track dah thar zingah hian 'Twilight Zone' leh 'Dandelion' telin, streaming platform hrang hrangah perform an hlawh hle rin an ni.

Chart hmasa lama No 1 hauhtu, Playboi Carti 'MUSIC' chu No 2 ah a tla thla a, equivalent album unit 91,000 a la nei pha. Lil Durk chuan a album thar, 'Deep Thoughts' chu No 3 ah rawn lanpuiin equivalent album unit 64,000 a nei a, album chart-a top 10-a lang thei album pasarih a neihna a ni ta.