Avengers: Doomsday-ah Alan Cumming in lan ve dawn

Marvel Cinematic Universe kut chhuak leh Avengers franchies zinga thar ber 'Avengers: Doomsday' ah kum 23 liamta daih tawha X-Men aṭanga kan hriat lar, Alan Cumming kan hmu leh dawn. Alan hian a hma ang bawkin Kurt Wagner, aka Nightcrawler lem a rawn chang leh dawn.

Alan hian interview-ah film chan hmachhawp atana hmalakna an neih ṭan tawh thu sawiin, Nightcrawler lema chang turin Makeup test-an neih tawh thu a sawi. Hei bakah hian makeup hmanga in cheina lamah hma a sawn thu sawi. Doomsday hi Avengers film zinga X-Men nena lan hona hmasa ber tur a ni. Kum 2003 kuma tih chhuah, 'X2: X-Men United' aiin makeup hmanga in chei chhung pawh a rei loh zawk thu sawiin, tun hma chuan darkar 4 chuang in chei ngai ṭhinin tunah chuan minute 90 bawr chhung lekin an zawhfel theih tawh thute a sawi. 'Avengers: Doomsday' hi nakkum May thla hian tih chhuah hman tum a ni.