Benson Boone-a'n Champion Award dawng dawn

American singer-songwriter, Benson Boone chuan May 13-a Beverly Wilshire, Beverly Hills, California-a 2025 BMI Pop Awards-ah Champion Award a dawng dawn tih BMI chuan a puang. Boone hi tunlaia boruak nei lian ber zinga mi a ni, tiin Barbara Cane, VP of BMI Worldwide Creative chuan a sawi.

Barbara Cane chuan Benson Boone hian khawvel pum huap culture leh music soundscape rawn thlak danglamin, artistry leh performance hmangaihna nen a siam thar leh a, hla phuahtu leh publisher chawimawina dawng tawh zawng zawngte hlawhtlinna kan lawmpui rualin Benson chu BMI Champion a nih kan hriatpui thei hi kan lawm hle a ni, tiin a sawi bawk. BMI Pop Awards-ah hian pop song of the year, songwriter of the year, publisher of the year award sem a ni dawn. Kum kal ta chhunga US-a pop hla perform hnem 50 te pawh thlan an ni bawk ang.