Indian Idol season 15-a pakhatna Manasi Ghosh

Indian Idol season 15 grand finale Pathianni zan khan neih a ni a, Manasi Ghosh chuan Subhajit Chakraborty leh Sneha Shankar te hnehin pakhatna a ni.Lawmmanah trophy leh pawisa fai Rs nuai 25 bakah car a dawng tel bawk. Manasi hi a hmain Super Singer season 3-ah pahnihna a lo ni tawh bawk.

Kum 24 mi, Manani Ghost hi Kolkata, West Bengal mi niin, class 8 a nih lai aṭanga professional singer nih tum a ni a, zai intihsiakna hrang hrangah pawh a lo tel fo tawh ni. Kum 13 a nihin stage show hmasa ber a nei. Signer lar Shaan leh music director Lalit Pandit te pawh a lo zaipui tawh a ni Manasi chuan a pawisa dawn ṭhenkhat chu music lama hma a lak zelna tur atan a hmang dawn tih a sawi. Pahnihna lawmman dawngtu,Sneha Shakar hian Rs nuai 5 dawngin, Bhushan Kumar music label nen contract an ziak nghal a ni. Tun ṭum Indian Idol thlannaah hian Shreya Ghoshal, Vishal Dadlani, leh Badshah te chu judge niin, Aditya Narayan-a'n a host a ni.