TXT Beomgyu iTunes Chart-ah che ṭha

Korean boyband TXT member, Beomgyu chuan khawvel hmun hrang hranga iTunes chart-ah a solo mixtape hmasa ber 'Panic' a chet ṭhatpui hle. March 27-a an ram huna tlai dar 6-ah Beomgyu hian digital-in a solo debut mixtape “Panic” a ti chhuak a, music video pawh a ti chhuak nghal bawk.

A tih chhuah aṭanga darkar tlemte chhungin khawvel ram hrang hranga iTunes chart-ah dinhmun sang ber a luah nghal a ni. March 28, an ram huna zing dar 9 thleng khan “Panic” hian iTunes Top Songs chart-ah No. 1 a hauh tawh a, Japan leh Russia bakah region hrang hrang 11 velah pawh No 1 a ni bawk. He track hi khawvel hmun hrang hrang 43 vel chart-ah a lang tawh bawk a, United States leh United Kingdom-ah te pawh a tel a ni. Hei bakah hian tihchhuah aṭanga darkar nga, March 27, an ram huna zan dar 11 khan “Panic” hian Japan rama Line Music realtime chart-ah No. 2 a hauh bawk. Beomgyu music video “Panic” hian YouTube-ah hmun hrang hrang pariat velah Top Trending Music Video list-ah langin, chung zingah chuan Korea, Japan, Singapore, leh New Zealand te pawh an tel. He hla hashtag pawh hian X list of worldwide trends-ah No. 3 a hauh bawk.