'Snow White' producer fapain Rachel Zegler a sel

Disney live-action thar, 'Snow White' chuan sawiselna a tawk chho zel. Sawiseltu zingah hian he film producer fapa, Jonah Platt pawh telin he movie chet chhiat chhanah hian a changtunu Rachel Zegler a puh.

'Snow White' tharah hian a thawnthu an her danglam dan leh, a original thawnthu ngainep lam hawia a changtu Rachel Zegler thusawite chuan a sawisel a hlawh phah hle. USD mtd 270 vel zet seng a siam hi beisei angin a che ṭha lo a, tlangzarh karah khawvel huapa a sum hmuh hi USD mtd 87.3 chauh a ni pha.

Producer Marc Platt-a fapa, Jonah Platt chuan he film-a changtunu, Zelger in film promote-naa politics kaihhawih thil a sawi chhuak chu he film chet ṭhat lohna pakhat a ni tiin, he film tana a theihna zawng zawnga sengtu a pa chu Zegler thusawi duh dan avang hian amah hmu a, bengdai turin hmanhmawh taka a thlawh chhuah a ngaih phah a ni, a ti. Zegler hian social media lamah 'Free Palestine' post a siam bakah, original 1937 "Snow White" film pawh a sawisel bawk. A thusawi vang hian a chanpui, Israeli actress Gal Gadot venhimnna pawh siam a nih phah a, Zelger post-ho buaipui chhunzawm turin social media specialist rawih a ngaih phah bawk a ni.