India-ah 'Ne Zha 2' release dawn

Chinese blockbuster animated film huanga sum la lut tam ber ni mek, 'Ne Zha 2' chu India-ah tlangzarh a ni ve dawn ta. Ne Zha hi a film original dub Mandarin ṭawng in tih chhuah a ni dawn a, English subtitle erawh a awm dawn thung a ni. Kumin April 25 khian Encore Films leh Warner Bros. Discovery India te'n an ti chhuak dawn a ni.

'Ne Zha 2' hi box office-ah a che ṭha hle a, tun dinhmunah khawvel puma sum a lak luh tawh zawng zawng hi USD tld 2 a kai tawh. Animation hit 'Inside Out 2' record a khum bakah 'Star Wars: The Force Awakens' pawh a rawn khum tawh bawk.