Lady Gaga-i'n 'The Mayhem Ball' tour hun tur puang

American singer-songwriter leh actress Lady Gaga chuan North America, Europe leh UK-a 'The Mayhem Ball' tour neih hun tur a puang chiang ta. Gaga hian tun hnai khan Mexico, Brazil leh Singapore-a spring show a neih tur a lo puang tawh a, April thla hian Coachella-ah a inlan dawn bawk. “Mayhem Ball” tour-ah hian khawpui hrang hrang Las Vegas, Seattle, New York City, Miami, Toronto, Chicago, London, Paris, Berlin leh hmun dangah a perform dawn a ni.

'The Mayhem Ball' tour hi July thla hian Vegas-ah ṭan a ni dawn a, New York City Madison Square Garden-ah vawi thum leh Chicago United Center-ah show vawi hnih a nei ang. September thlaah Europe a pan dawn a, London O2-ah show pathum a neih dawn bakah Stockholm, Milan, Barcelona, ​​Berlin, Amsterdam leh Paris-a arena-ah te a neih chhunzawm ang.