Harry Potter HBO series-ah Hagrid lem atan Nick Frost

HBO chuan JK Rowling lehkhabu ziah behchhana siam, Harry potter TV series an siam tur chu buaipui mek zelin, Harry Potter TV series atan hian a hmaa lo tih chhuah tawh film-a changtute thlakna tur a ruat belh zel. Half giant Rubeus Hagrid lem chang turin Nick Frost chu tih chian a ni tawh niin an tarlang. Frost hi British actor leh comedian a ni.

Nick Frost hma hian Professor Albus Dumbledore, Professor Minerva McGonagall leh Professor Severus Snape lema chang turte chu thlan fel an lo ni tawh bawk. Dumbledore lemah hian John Lithgow, McGonagall lemah Janet Mcteer niin, Paapa Essiedu chuan professor Snape lem a chang dawn a ni. Harry Potter chhuak hmasaah khan Hagrid lemah hian Robbie Caltrome chu changin film pariat tih chhuahah khan a in lan kim vek a ni.