Apple WWDC 2025 neih hun tur chiang ta

Apple company-in kum tina an lo hman ṭhin, Worldwide Developer Conference(WWDC) 2025 chu kumin June-ah hian neih tum a nih thu company lam chuan an puang. Conference hi June 9 aṭanga June 13 thlenga neih tum niin thil thar tarlan tur a awm leh awm loh an sawi lo thung.

Conference ah hian iOS 19 chu tih chhuah thar beisei zinga thawm nei lian ber niin, hei bakah hian Apple intelligence feature leh software update nate tih chhuah a nih rin a ni bawk. iPhone 17 Air pawh tih chhuah beisei zingah telin thil lian tham awm thei tarlan zingah iOS 19 chu Camera app tih changtlunna tur niin an sawi. Nikuma WWDC 2024 ah khan Apple Intelligence feature chungchang ngaihtuah ho tawh niin, kumina topic lian ber a nih rin a ni bawk. Apple hian AI technology anmahni pual hi tun thlengin an la hmang ve lo a ni.