FKA Twigs-in US tour hun sawn hla

English singer-songwriter leh record producer ni bawk , FKA Twigs chuan Eusexua tour a neih mekah khawpui pathum, Chicago, Toronto leh New York-a show neih tur chu a sawn hla a, hei hi a production-in visa a hmuh theihna tura paperwork tih fel loh vang a ni. TikTok-a a post-ah singer hian January thlaa a album pathumna puala European tour a neih chu hlawkthlak a tih thu a sawi a, mahse production lamah harsatna an tawh avangin US-a show neih tur tih tawp leh sawn hlat a ni ta a ni.

Twigs hi March 26-27 chhung hian Chicago-a zai tur a ni a, March 30-31-ah Toronto-ah leh May 3-4 hian Queens, NY-ah zai tur a ni. Show sawn hlat a ngaih tak avang hian a rilru nat thu pawh a sawilang a, show chhunzawm tur hian theihtawp a chhuah tur leh thu thar a puan vat theih tur thu a sawi bawk. Twigs hian kum 2019 aṭang khan US-ah concert mumal takin a la nei lo a, private gig-ah te erawh a inlan ve fo a, nikuma Met Gala leh kumin January thlaa Brooklyn-a Market Hotel ahte a lo inlan tawh.