Country Music Hall of Fame-ah Kenny Chesney, June Carter Cash, Tony Brown

2025 Country Music Hall of Fame-a lawm luh thar tur zingah Kenny Chesney, June Carter Cash leh producer Tony Brown-te hming chu Thawhlehni khan puan a ni. Hall of Fame-a lawmluhna inkhawm hi kumin kumtawp lamah hman tum a ni.

Hall of Fame-a lawm luh tur te hi huang hrang hrangah niin, Kenny Chesney chu modern performer category huangah lawm luh a ni ang. June Carter Cash chu modern division huangah lawm luh a ni dawn bawk. Lawm luh tur zinga producer awmchhun Tony Brown chu producer, musician leh executive huangah Hall of Fame-ah hian lawm luh a ni dawn bawk. Brown hian Academy of Country Music award pawh tun hnai khan a dawng tawh a ni.