Akshay Kumar channa 'Kesari Chapter 2' chhuak dawn

Bollywood actor thawm nei lian tak tak in lanna, 'Kesari Chapter 2: The Untold Story of Jallianwala Bagh' chu a chhuak dawn hnai ta. Nimin khan a teaser tih chhuah a ni. He film-ah hian Akshay Kumar a chang a, ani bakah R. Madhavan leh Ananya Panday-te an inlan bawk.

'Kesari Chapter 2' hi British-in India a awplaia thil thleng rapthlak tak Jallainwala Bagh Masacre chungchang a ni a, heng hunlaia thil thleng puanzar loh rapthlak tak tak tarlanna lam a ni.

Akshay Kumar hi Sir C Sankaran Nair, ukil huaisen tak lemah a chang a ni. Film hi Pushpa Palat leh Raghu Palat te lehkhabu ziah ‘The Case That Shook The Empire’ tih behchhan a siam a ni.

'Kesari Chapter 2: The Untold Story of Jallianwala Bagh' hi Dharma Productions, Cape of Good Films, leh Leo Media Collective te ṭangkawpa siam niin, kuimin April 18 hian theater-ah tih chhuah tum a ni.