WhatsApp status-ah Spotify aṭangin music a share theih dawn

WhatsApp chuan Google Play Beta Program kaltlangin Android update thar, version 2.25.8.3 a tlangzarh. Update tharah hian Spotify aṭanga music share theihna tur feature a awm a, nakin lawkah WhatsApp stable version-ah pawh hman theih beisei a ni. He facility hian WhatsApp leh third-party apps bakah service hrang hrang nena inzawmna a tichangtlung lehzual dawn a ni. WhatsApp-in Spotify tana huang a zauhna hian status update a ti ngaihnawm zual dawn a, a hmangtute chuan an hman duh hun lai nena in mil hla bikte chu an hmang thei dawn a ni. He feature thar hmang tura option thlan a nih hunah WhatsApp chuan lo process in, a hmangtute tan status update-a a lan theih nan shared track chu preview a siam ang. Hei hi Instagram Story-a music sharing tih dan nen a inang dawn a ni. Spotify music hi share theih ni mah se WhatsApp end-to-end encryption avangin WhatsApp lam chuan eng hla tak nge i share tih a rawn hriatsak dawn lo che a ni.