'One Piece’ Co-Showrunner Matt Owens a bang

Netflix live-action 'One Piece' series season hmasa pahnih kaihruaitu, Matt Owens chuan show a chhuahsan tur thu a puang. Zirtawpnia Instagram-a a post-ah Owens chuan ama mimal nun leh a rilru hriselna lam ngaihtuah turin show a chhuahsan dawn tih a ziak a, tun hnai khan 'One Piece' hian an season hnihna film an siam zo a ni. Kum ruk kal ta chhunga live action One Piece-a a tel ve chu a nun tidanglamtu a nih thu sawiin, Owens chuan cast leh crew zawng zawngte chungah lawmthu a sawi bakah, an thawh hona leh thawhrimna avangin lawmthu a sawi bawk. He series siamna tur hian hun rei tak chhung ruahmanna siam niin, tun thlengin series season pahnihah co-showrunner hna a thawk a, season khatnaah Steven Maeda leh season hnihna lo awm turah Joe Tracz nen an thawk dun bawk. Tracz hian season hnihnaah post-production a enkawl chhunzawm zel dawn a, Netflix chuan release hun tur an la puang lo.