Selena Gomez leh Benny Blanco album thar ‘I Said I Love You First’

American actress leh singer Selena Gomez chuan a pasal hual, American record producer leh songwriter Benny Blanco nen an album thar ' ‘I Said I Love You First’ an ti chhuak. Track 15 awmna album hi SMG Music, Friends Keep Secrets leh Interscope Records kaltlanga tih chhuah niin, an pahniha an thawhdunna album hmasa ber a ni.

Gomez leh Blanco te hian kum kal ta kumtawp lam khan an inhual thu an lo puang tawh a ni. An pahnih hian single pathum an ti chhuak tawh a, chungte chu “Scared of Loving You,” an pahnih leh Finneas ziah; “Call Me When You Break Up,” Gracie Abrams an thawhpuina leh “Sunset Blvd” te an ni. Charli XCX chuan album track pariatna “Bluest Flame”-ah a lo thawhpui tawh bawk.