Playboi Carti album thar ‘Music’ in Spotify Record break

American rapper Playboi Carti studio album pathumna 'Music' tih chu kar liam ta Zirtawpni khan tlangzarh niin, a tlangzarh ni vek hian spotify record a break. Kum 2025-a ni khat chhunga Spotify album stream tam ber record a siam a ni. 'Music' hi Carti-a'n kum 2020-a studio album pahnihna, Whole Lotta Red a tihchhuah aṭanga kum nga hnuah tihchhuah niin, Zirtawpnia a tihchhuah hma hian rapper hian thla tam tak amah ngaisangtute chu album a tihchuah tur thu hi a lo hrilh tawh a ni. He album-ah hian hla 30 awmin, The Weeknd, Travis Scott, Future, Young Thug, Lil Uzi Vert leh Kendrick Lamar te a thawhpui bawk. Track hming ṭhenkhatte chu “Pop Out,” “Radar,” “Backd00r,” ” Fine Shit,” “I Seeeeee You Baby Boi,” “Like Weezy,” “Good Credit” leh “Cocaine Nose” te an ni. A album 'Music' hi nikum September thlaa a single hnuhnung ber “All Red” a tihchhuah aṭanga thla eng emaw zat liam hnuah a rawn tichhuak a ni. "All Red" hian Billboard Hot 100 chart-ah No. 15 a hauh a, Hot R&B/Hip-Hop Songs chart-ah No. 3 a hauh bawk.