Lehkhabu bawm

Mizo Department, Mizoram Christian College buatsaih Lenbuang (Mizo Christian Literature Zirzauna) Theology leh Secular lam academician leh research scholar mi 31-te zir chianna thuziak awmna chu March ni 13 khan J.M.Llyod Hall ah Rev. VL Luaia Hranleh, Senior Executive Secretary, Mizoram Synod in a tlangzarh. Rev VL Luaia Hranleh chuan MCC in lehkhabu rotling Mizo hnam leh literature tana hlu tak tur an tichhuak thei chu achievement ropui a tlin thu a sawi.

Lehkhabu tlangzarh inkhawm hi PC Lalngaihzuala, Head of Department, Mizo Department in a kaihruai a. Dr. H. Laldinmawia, Assistant Professor, Pachhunga University College-in lehkhabu sawi hawnna hun hmangin , Mizo Christian Literature zir chianna leh seminar MCC in an buatsaih leh lehkhabu a an chhuah thei chu Mizo literature huanga a hlutzia sawiin, Theology leh secular lama mi thiam hrang hrang te zir chianna aṭang hian hmabak a lo tamzia leh kawng hrang hranga sakhuana leh literature chiar tur a lo tamzia a lang chian hle tih a sawi.