Angela Lalremruati kan thlah liam Mizo Idol-ah mipui barakhaihtu thil a awm

Thawhlehni zan khan Mizo Idol top 8 thlan chhuah a ni a, Bawngkawn South nula, Angela Lalremruati kan thlah liam. Angela tel loin Top 8 intihsiakna an chhunzawm lehnghal. Angela Lalremruati chunga thleng leh, Essy nun inthlakin ngaihven a hlawh a, sawizui a hlawh.

Mizo Idol top 8 result puan leh top 8 te an intihsiak zanah hian Baby Malsawmtluangi leh Essy te an zai a, an thiam a, anni pahnih hi Mizo Idol aṭanga rawn lar chhuak ve ve an ni. Essy zaiin mipui a barakhaih a, chân loh zawk hla a rawn sa daih!

Angela Lalremruati hi Bawngkawn South-a awm a ni a, Mizo zaithiamah chuan Israela Pachuau a ngaisang hle a, sap zaithiamah chuan Taylor Swift a ngaisang thung. Mizo hlaa a duh ber chu Krista Tan a ni a, sap hlaah chuan Street of Heaven a duh ber thung.

'Angelten an awmpui' tih hla hmangin Elimination Round a rawn paltlang a, Second Round-ah a hla duh ber 'Krista Tan' tih a rawn sa a, hei hian Third Round a thlentir a, 'A sawm che' tih hla hmangin Third Round hi a paltlang. Top 50-ah 'Kawng tluanin Isua nen' tih hla a rawn sa a, Top 20-ah khan 'Isu nang chauh' tih leh 'Thingpui sen' a rawn din chhuahpui leh bawk. Top 10-ah khan 'Eldorado' thiam zet maiin a rawn sa a, Top 9 a kaipui a, Top 9-ah hian 'Min kai ang che' tih hla a rawn sa a, mahse a tlinpui zo ta lo a ni. A tlak zan hian a hla duh ber bawk 'Krista tan' tih hla a sa.

Top 8-a tlingte

James Lalruatsanga

Lalbiakmawia

Lalremruata

Lalremruati

Rachel Lalnunkimi

Rebecca Zorintluangi

Thawhlehnaniropuia

Wilkinson B. Khuhly