SEVENTEEN Wonwoo-in Military zawm dawn

K-Pop boy band, SEVENTEEN member Wonwoo chuan thla thar, April 3 hian South Korea military a zawm dawn tih a puang ta. Wonwoo hi SEVENTEEN member zingah military zawm tur pahnihna niin, Jeonghan chuan nikum September khan military a lo zawm tawh a ni.

Wonwoo-in military a zawm tur chungchangah PLEDIS entertainment thuchhuah siamin, band anga ruahmanna an lo siam tawh hrang hrangah Wonwoo hi a inlan theih dawn rih loh thu a tarlang. Hemi rual hian a hmachhawp neihah theihtawp a lo thlawp zel turin fan-te an ngen bawk. SEVENTEEN program hrang hrangah in lan thei dawnlo mah se,Wonwoo hi March 20-21 a CARAT LAND-a SEVENTEEN concert-ah erawh a in lan thei dawn thung.