Sophie Elmhirst lehkhabu-in Gold Prize dawng

Sophie Elmhirst-in British nupa, whale-in an lawng a tih pil avanga Pacific tuifinriat-a thla li chhung zet life-raft a khawsa te chanchin a ziahna, 'Maurice and Maralyn: An Extraordinary True Story of Shipwreck, Survival and Love' chuan New Book Awards-ah £30,000 Gold Prize a dawng.

Maurice leh Maralyn te nupa hian Derbyshire-a an bungalow hralhin lawng siamna atan an hmang a, kum 1972 khan an lawng hmang hian New Zealand an pan a ni. Mahse whale vanga an lawng a pil hnuah, ni 118 chhung zet tuifinriat-ah hian an raft-ah an awm zui. Journalist Elmhirst chuan Bailey-a te nupa thang bo thawnthu ziahna website-ah a hmu a, Maralyn diary leh chhanchhuah a nih hnuah Maurice lehkhabu tih chhuahte zirchiangin lehkhabu hi a ziak ta a ni. 'Maurice and Maralyn: An Extraordinary True Story of Shipwreck, Survival and Love' bu hian kumin January thla khan Nero Book Awards Non-Fiction category-ah lawmman a lo dawng tawh a, tunah hian overall Gold Prize for Book of the Year 2024 a dawng leh ta a ni.