Hacker-in Taylor Swift Eras Tour ticket hralh ru

New York khawpuia hacker pahnihte chu digital concert ticket 900 chuang rua an hralh chhawn leh vangin man an ni a, an ticket hralh ruk zingah hian Taylor Swift Eras Tour ticket pawh a tel. Ticket an hralh ruk aṭang hian USD 600,000 chuang an hmu chhuak nia sawi a ni.

Queens County District Attorney Office prosecutor-te chuan hacker, Tyrone Rose leh Shamara P. Simmons te chu Ningani liamta khan man an nih thu sawiin, thubuai siam sak nghal an ni bawk. Eras Tour, Ed Sheeran leh Adele concert ticket 993 vel an hralh chhuak hman. Hetianga an chetnan hian Kingstong, Jamaica-a StubHub-a third-party contractor hnuaia thawk mi pahnih an tel bawk. Ticket URL ruin, Rose leh Simmons te hi an thawn a, anni hian lo download-in StubHub kaltlang bawkin an hralh chhawng leh. Kum 2022 June aṭanga July 2023 chhung khan hetiang hian an ti ṭhin nia sawi a ni. Thiam loh chantir an nih chuan kum 3-15 thleng tan tir theih an ni ang.