DS2 tana chhinchhiah tlak 'Future'

Album a lo tichhuak ve tawh ṭhin a, mahse DS2 tan chuan tuna a album thar Future hi hriatreng tlak tak tak a ni. Kar khat chhunga a la hralh chak ber album a ni a, Billboard Hot 200-ah pawh pakhatna a hauh phah hial a ni.

DS2 hian a album thar Future hi kar khat chhungin album pang­ngai copy 121,000 leh album tlukpui nen, a vaiin copy 147,000 lai a hralh thei. A album hmasa Honest kha Billboard album chart-ah hian pahnihna a ni a, copy 53,000 chu chawlhkar khatah a hralh a, kum 2012-a a tihchhuah Pluto kha kar khat chhungin copy 41,000 hralhin pariatna a thlenpui bawk. Tuna mi hi chu a hlawhtling tak zet zet tawh a ni.

Taylor Swift album 1989 chu pahnihnaah a rawn kai chho a, he album hi kar liam ta chhung khan copy 50,000 zet a hralh leh tawh a ni. Pathumnaah country singer, Alan Jackson album 'Angels and Alcohol' chu a awm a, chawlhkar liam ta chhung khan copy 48,000 a hralh.

Billboard Hot 200

"DS2" - Future (147,000)

"1989" - Taylor Swift (50,000)

"Angels and Alcohol" - Alan Jackson (48,000)

"Black Rose" - Tyrese Gibson (47,000)

"Something More Than Free" - Jason Isbell (41,000)

"Dreams Worth More Than Money" - Meek Mill (39,000)

"Currents" - Tame Impala (38,000)

"X" - Ed Sheeran (32,000)

"Montevallo" - Sam Hunt (30,000)

The "Kidz Bop 29" Album - Various Artists (24,000)