Tech company-ten Australia-ah YouTube khap ve an phût

Facebook leh Insta-gram parent company, Meta Platforms bakah Snapchat, TikTok leh tech company dangte chuan Australia sorkar chu naupang kum 16 hnuai lam tana social media hman a khapnaah YouTube khap tel ve turin an phût.

Australia sorkar hian nikum November thlaa dan thar a pass-ah, naupang kum 16 hnuai lamte chu social media platform hrang hrang an hman khapin, company-te chuan he dan hi an zawm loh chuan USD mtd 31 thleng chawi tir theih an nih thu a sawi. Mahse he khapna hian YouTube a huam tel lo a, a chhan chu education tool anga a insawi vang leh, family account aṭangin an en thei tia a insawifiah vang a ni. Mahse social media platform dangte chuan hei hi sawiselin, YouTube-ah pawh naupang ten thil ṭha lo tak tak an tawng ve thei reng a ni tiin, hetianga ngaihhnathiam a ni bik hi an hrethiam lo hle.