Millie Bobby Brown-i'n journalist chhang let

British actress Millie Bobby Brown chuan a movie thar tur 'The Electric State'press tour neih ṭuma press miten social media-a a landan chungchang an sawiselna chu Instagram-ah na taka chhangletin, a hmel lan dan ziaktu journalist te hming pawh a sawi chhuak.

Minute thum awh video-ah Brown chuan kum 10 a nih aṭanga mipui mithmuha a inlan tawh thu leh, chutih lai chuan Netflix monster hit series 'Stranger Things' ah a chang tawh tih a sawi. Mipuiten a nihna ngai leh a lan dan ngai renga a awm chhunzawm an beisei chu hriatthiam har a tih thu a sawi bawk. A hmel landan, a taksa leh a duhthlanna lamhawia thuziak a awm ṭhin chu pawi a tiin, a bik takin heng chanchin ziak ṭhinte hi a hmeichhiatpui te ngei an nih avangin pawi a tih zual thu a sawi bawk. A naupan lai aṭangin online-ah mipat hmeichhiat lam hawia chhaih a nih dante sawiin, hei vang hian kum 2022 khan social media chu hun eng emaw chen a lo chawlhsan tawh a ni.