Oscars entu zat 7% in a tlahniam

Pathiannia ABC-a tih chhuah, Academy Awards vawi 97-na chu mi mtd 18.1 aia tlem loin an en a, kum hmasa aiin 7% in a tlahniam. Nielsen ABC linear viewer tehna bakah Hulu-a livestream a tehna aṭanga a lan danin, kum li chhunga ceremony-a entu an tlakhniam hmasakna ber a ni.

Kum 2021 khan COVID-19 hri len ṭan hnua ceremony hmasa berah entu maktaduai 10.4 an awm a, mahse a hnu kum thum chhungin entu a zawnin an pung chho a, kum 2022 khan entu mtd16.6, 2023-ah mtd 18.8 leh kum 2024-ah mtd 19.5 an tling. Oscars entu tam ber kum chu kum 1998 kha niin, mi mtd 55 an tling a ni. Kuminah hian entu tlahniam mah se 2024-2025 TV season-a primetime entertainment (non-sports leh non-news tihna) entu ngah ber erawh a la ni pha thung. Hulu livestream in technical lama harsatna a tawh avangin viewer final count pawh hi a nghawng nia ngaih a ni.