Elton John Oscars after party-ah Chappell Roan

A hla hit “Pink Pony Club” vanga mite hriat hlawh, American singer/songwriter Chappell Roan chu Pathianni zana West Hollywood-a Elton John AIDS Foundation Academy Awards party-ah a perform.

Elton John AIDS Foundation puala sum tuakna party hi Elton John leh David Furnish host-na hnuaiah West Hollywood Park-ah neih a ni. Elton John Oscars after party buatsaih hi Oscar award sem zawh hnua thil thleng langsar ber pawl a ni ṭhin. Kumin hian Jean Smart, Sheryl Lee Ralph, Neil Patrick Harris leh David Burtka te chu co-host an ni bawk. Elton John chuan Roan inhmelhriattirna a nei a, a music in a hneh zia mipuite hmaah sawiin Chappell Roan nen hian Elton John leh George Michael te hla 'Don't let the sun go down on me' an sa dun bawk.