Lizzo-in kum hnih hnuah solo single thar ti chhuak

American rapper/singer Lizzo chuan 2023-a 'Barbie' soundtrack-a an tih chhuah hnuah a solo hmasa ber "Love in Real Life" chu nimin, Zirtawpni khan a ti chhuak. Album thar pawh a zawhfel tawh thu a sawi bawk.

Lizzo hian hun rei lo te chhung rimawi a chawlh san lai khan, ama chhawr dancer leh stylish te nen buaina neuh neuh neiin hun khirhkhan tak a tawng nia sawi a ni. Mahse an puhnate hi thu dik lo vek a nih thu a sawi thung. Lizzo hian a album hmasa 'Special' chu Billboard 200 ah No.2 a nih pui thei a, Billboard Hot 100-ah pawh kar hnih chhung ngawt 'About Damn Time' chu a chung ber dinhmun a luahpui thei bawk. 2023 Grammy-ah khan he album hi 'Record of the Year' a lakpui a, a album thar tur pawh hi a nghahhlelhawm hle.