Kum 25 hnuah British boy band Five reunion

British boy band, Five chu kum 25 chhung zet band anga an chawlh hnuin, rimawi original band member kimin kuminah reunion an nei dawn tih an puang.

Five hian 2000 Brit Awards-a best pop act an dawn champha kum 25-na rualin reunion tur hi an puang a, kumin chhung ngeiin UK tour neih an tum tih pawh sawiin show neihna tur hrang hrang pawh an tarlang nghal bawk. Band member hi Sean Conlon, Ritchie Neville, Scott Robinson, Abz Love leh Jason "J" Brown-te niin an hunlai hian Slam Dunk(Da Funk) leh The Lights Go Out tihte an larpui hle. Award pawh chi hrang hrang lain, chart-a lang thei hla eng emaw zat an nei bawk. Smash Hits Poll Winner Party-ah a zawnin kum thum chhung ngawt 'best band' atana thlan an ni. Kum 2006 leh 2012 khan member kim loin thawh ho an lo tum tawh ṭhin a, mahse an ti hlawhtling thei lo. Kumina reunion an neih turah erawh original member kimin an ti thei dawn ta a ni. Five hian ni 12 chhung awh tur tour hi Brighton-ah October 31 aṭangin an nei ṭan dawn a ni.