Gene Hackman-te nupa thih dan chhui chiang dawn

Hollywood star, Gene Hackman leh a nupui Betsy Arakawa chu Nilaini, February 26, khan an chenna in New Mexico, US-ah an ui vulh lai nen thia hmuh an ni. An thihdan danglam tak avang hian police lam chuan chhuichianna neih ngei an tum tih an sawi. Hackman te nupa leh an ui hi eng vanga thi nge tih hriat a la ni lo. Hackman ruang hi an choka bulah hmuh niin, a nupui ruang hi bathroom-ah hmuh a ni thung.