All-female Blue Origin space mission-ah Katy Perry tel dawn

American space technology company, Blue Origin chuan kumina a vawi khatna turin hmeichhe hlang telna tur, spacefligth mission a nei dawn. He hunah hian American pop star Katy Perry pawh a tel dawn a ni.

Jeff Bezos-a company, Blue Origin spaceflight all-female crew mission hi New Shepard program atana human flight vawi 11-na tur a ni. He team-ah hian CBS Mornings co-host Gayle King, Bezos nupui hual Lauren Sanchez, NASA rocket scientist hlui Aisha Bowe, bioastronautics researcher Amanda Nguyen leh film producer Kerianne Flynn te an tel bawk ang.

Blue Origin hian kum 1963-a Soviet Union-in Valentina Tereshkova solo mission a neih hnua all-women tan space flight neih hmasak ber a nih thu a sawi. Katy Perry hian April 23 - November 11 thleng Lifetimes Tour a neih dawn vangin chumi hmaa neih beisei a ni.

New Shepard-a zin hi minute 11 vel a ni tlangpui tih Blue Origin chuan a tarlang. Fully autonomous a ni. Passenger-te chu Karman line, international level-a edge of space anga pawm chu a paltlangpui ṭhin.

Blue Origin chuan Lauren Sanchez chu mission kalpui a nih theihna kawnga thlawh hlawk tak tiin a fak hle. Sanchez hian kum 2023-a Vogue interview-ah Blue Origin rocket-a hmeichhe hlang awmna hmanga thlawh chhuah a tum thu a lo sawi tawh a ni.

Bezos ngei pawh hi kum 2021 khan company-in manned mission hmasa ber neihah a tel a. Hemi ṭum hian Good Morning America co-host Michael Strahan leh Star Trek actor William Shatner te nen space-ah an inkapchhuak a ni.

Virgin Galactic dintu Richard Branson chuan July 2021 khan a company VSS Unity spacecraft hmangin a zin bawka, hetih lai hian SpaceX dintu Elon Musk erawh van thengrengah a la zin chhuak ve lo.