Calvin Klein New Spring 2025 Campaign-ah Mingyu

K-pop boy band 'Seventeen' superstar Mingyu chu fashion company, Calvin Klein(CK) tan campaign model a ni chhunzawm leh. CK hian Thawhlehni khan New Spring 2025 collection an ti chhuak a, campaign-ah hian Mingyu chuan 'Menswear denim' a rawn pholang a ni.

Kum 27 mi, K-pop star hian Calvin Klein nena an thawh dunna chu a pawt sei bawk a, Spring 2025 collection-a photo session an neih chungchang sawiin,"CK global team eng emaw zat hmaa inlan chu a danglam hle. He hun ka ti hlawhtling thei hi lawmawm ka ti a, hun nuam tak ka hmang bawk" a ti. Mingyu hian Calvin Klein bakah brand dang ṭha tak tak a lo thawh pui tawh a, luxury fashion 'Dior' ambassador a nih bakah L'Occitane leh Bulgari te chu a lo thawhpui tawh bawk.