Activision-in Call of Duty-ah AI hman a nih thu sawi

Video games publisher, Activision chuan Call of Duty-ah AI-generated content telh a nih thu a sawi chiang ta a, heng zingah hian tih chhuah tar Black Ops 6 leh Warzone pawh an tel.

Steam policy tharah studio-te chu games-a AI an hman leh hman loh sawi chiang tura phut an nih tawh avangin Activision pawh hian a rawn sawi chiang ta a ni. An sawifiah hma pawh hian fan-te chuan game artwork ṭhenkhat chu ringhlelin, artist-te rawihna senso hautak tak tih tlemna atan AI hman niin anlo puh tawh a ni. Hemi hnu hian Activision chuan sawifiahin in-game asset ṭhenkhat siamna atan AI tools chu hman a nih thu a sawi. In-game assets bakah Activision hian Call of Duty franchise-ah hian AI hi social media content leh chat lamah pawh a hmang tel a ni.