Manuni album Wales-ah an tlangzarh

C. Lalnunpuii album thar chu Skewen, Wales-a Praise for the World chapel-ah tlangzarh a ni a, he album hi Reflection of Faith tih a ni a, Sap hla hlir pakua a awm. Pray for the World-in UK-a rawng an bawl kum thumna lawmin C. Lalnunpuii hi UK-ah hian a kal a, album hi siamin senior pastor, Jim Webber chuan album hi a tlangzarh a ni. He album hi Manuni hian rawngbawlna atan liau liaua a siam a ni a, zawrh pawh zuar loin a thlawna sem nghal vek a ni. Manuni hian Wales leh England-a kohhranah te rawngbawlna a nei mek. Jim Webber hi a naupan lai aṭanga Chanchin Ṭha hrilna kawnga ṭhahnem ngai tak niin, chanchinbu semin a inhlawhfa a, a hlawh chhuahte hi India hmarchhaka Welsh missionary te hnenah a pe.