Black Sabbath Final Show-ah GN'R

Rock legend Black Sabbath in July 5-a Villa Park, Birmingham, England-a final show, 'Back to the Beginning' an neih tura inlan turte puan belh zel an ni a, inlan tur an puan thar zingah Guns N' Roses leh Tool an tel.

'Aquaman' star Jason Momoa chuan show hi a kaihruai dawn a, 'Rage Against the Machine' Tom Morello chu musical director a ni ang. Black Sabbath final show-a inlan tur zingah hian Ozzy Osbourne, Metallica, Slayer, Pantera, Alice in Chains, Halestorm, Lamb of God, Anthrax, Gojira, Mastodon leh Rival Sons an tel. Anni bakah mimal perform tur pawh eng emaw zat an awm bawk.

Black Sabbath hian an live-perfomance hnuhnung berah hian original band an inlan dawn tih an sawi a, hei kum 20 hnuah original band anga an perform lehna hmasa ber tur a ni. Ozzy Osbourne erawh a hriselna ṭhat tawk loh vangin full set a tel ve thei dawn lo nia sawi a ni.