Lisa-in comic company Lalisa Comics a din

Blackpink member, Lisa chuan February 18 khan Zero Zero Entertainment nen thawkdunin comic company, Lalisa Comics a din tih a sawi. Company hnuaia an kut chhuak hmasa ber tur, phek 56-a chhah, graphic novel 'Alter-Ego: The Official Comic' an ti chhuak dawn.

'Alter-Ego: The Official Comic' thawnthu hi Lisa phuah niin, a lem hi Japanese artist MINOMIYABI ziah a ni thung. February 28 hian LLOUD Co./ RCA Records chuan an tlangzarh dawn a ni. Comic-ah hian Lisa "Alter Ego" character panga - Roxi, Sunni, Kiki, Speedi, leh Vixi hmanga inthlak danglamna, huaisenna leh inpumkhatna keng tel thei thawnthu a rawn tarlang dawn a ni. Lisa hi Zero Zero Entertainment nena thawk dun thei artist thar ber a ni