SEVENTEEN in ‘RIGHT HERE’ world tour khar

K-Pop icon SEVENTEEN, member 13 awmna chuan ‘SEVENTEEN [RIGHT HERE] WORLD TOUR’ chu Bangkok Rajamangala National Stadium-ah ni hnih chhung finale hmuhnawm tak hmangin hlawhtling takin an khar.

SEVENTEEN hian K-Pop stage-breaker anga an hmingthanna chu an hlen chhuak a, darkar thum chhung zet performance ropui tak an nei a ni. An hla hit mix ngaihnawm tak tak an sa a, chungte “LOVE, MONEY, FAME (feat. DJ Khaled),” “God of Music,” leh “Super” te an ni. Show tawpah group leader S.COUPS chuan an group in kum 10 tlin lawmna an hman thuai tur thu sawiin, kum 10 kalta chhunga anmahni ngaisangtute chungah lawmthu sawiin, performance leh music ṭha zawk nen theihtawp an chhuah zel tur thu a sawi.. Kum kalta October 12-13 a Goyang Stadium-a world tour an ṭan aṭang khan SEVENTEEN hian North America, Japan leh Asia ram khawpui lian hrang hrangah performance hmuhnawm tak tak an nei a, khawpui 14-ah show 30 neiin, an fan maktaduai chuangin a hmunah leh online hmangin an thlir a ni.