SNL kum 50-na lawmnaah Paul Simon leh Sabrina Carpenter

American late-night comedy variety show, 'Saturday Night Live' chuan Pathianni zan khan kum 50-na a lawm. He hunah hian kum 83 mi Paul Simon leh kum 25 mi, Sabrina Carpenter te chuan Simon-a hla “Homeward Bound” hmangin show an hawng.

Paul Simon hi kum 1975-a SNL tih chhuah a nih aṭang khan show tan mi hlu tak niin a inlan fo a, 9/11 beihna thlen hnua show hmasa berah pawh a lo inlan tawh bawk. Simon chuan Carpenter nena an hla sak chu kum 1976 khan SNL-ah hian George Harrison nena an sak dun tawh thu a sawi a, Carpenter chuan hetih hunlai hian a nu leh pa pawh an la piang lo tiin a lo sawi a ni. Paul McCartney chuan The Beatles hla 'Abbey Road,' 'Golden Slumbers/Carry That Weight/The End' leh an hla sak tam loh tak hmangin show hi a khar. Hemi zan hian Lil Wayne leh Miley Cyrus te pawh an inlan bawk.