Shakira-i'n “Las Mujeres Ya No Lloran World Tour” a ṭan

Colombian zaithiam leh lam thiam, Shakira chuan “Las Mujeres Ya No Lloran World Tour” chu Thawhlehni zan khan Brazil-ah a ṭan. A tour concert hmasa ber hi Rio De Janeiro-a 'Estádio Nilton Santos' stadium-ah neiin, darkar hnih chuang show hi a nei a ni.

Shakira tour hi Live Nation produce niin, Grammy award a dawnna, kum 2024-a a tih chhuah "Las Mujeres Ya No Lloran" puala a buatsaih a ni. Kum 2017-2018 a El Dorado World Tour a neih hnuah a tour neih lehna hmasa ber a ni. Tour hi Argentina, Chile, Colombia, Mexico, Peru leh North America ah te a nei dawn. Latin America-a show a neihna tur hmun 18-a ticket chu darkar hnih tling lohah a hralh zo vek a ni. June 30, 2025 hian San Francisco, US-a Oracle Park-ah a tour kharna hi a nei ang.