Sean 'Diddy' Combs-in documentary vangin 'defamation' theh lut

Sean 'Diddy' Combs chuan January 14-a a chanchin tarlanna, documentary film tih chhuah 'Diddy: The Making of a Bad Boy' siamtu leh ti chhuaktu NBCUniversal, Peacock TV leh Ample Entertainment te lakah Nilaini khan 'USD mtd 100 defamation lawsuit' a theh lut.

Diddy hian 'Diddy: The Making of a Bad Boy' documentary tih chhuaha a chanchin hrang hrang an tarlante chu a nihna dik tak ni lo, a tana thil ṭha lo thlen thei leh amah beihna lam hawi a nih thu a tarlang. Documentary tih chhuah ah hian mi thah leh mipat hmeichhiatna lam rawngkaia in tih mualphona, finfiahna mumal awm lo te tarlan tel a nih vangin tih hmingchhiat tumna thubuai hi an theh lut niin Diddy attorney Erica Wolf chuan a sawi. Diddy hi sex trafficking chungchangah thubuai eng emaw zat siamsak niin Brooklyn, New York-a Metropolitan Detention Center-ah a tang mek a ni. Bail-a chhuah a dilna chu hnawlsak a lo ni tawh bawk.