'2025 Billboard Women in Music' ah aespa leh Jennie

'2025 Billboard Women in Music' ceremony, March 29-a YouTube Theater, Inglewood, California-a neih turah, Korean girl group aespa leh Blackpink Jennie ten chawimawina an dawng dawn.

Billboard Women in Music-ah hian artist hmeichhia, genre hrang hranga sulhnu nei ṭhate chawimawina an hlan ṭhin. Kumin hian aespa chuan 'Group of the Year', an dawng dawn a, he chawimawina hi 2023 khan Korean girl group TWICE in an dawng a, 2024-ah Newjeans in an dawng bawk. Blackpink member Jennie hian 'Global Force Award' a dawng dawn a ni. Award semnaah hian chawimawina dawngtute kutchhuak leh hlawhtlinna ti lang thei performance en tur a awm dawn. Chawimawina dang dawng tur zingah hian Angela Aguilar, Erykah Badu, Gracie Abrams, Meghan Trainor, Tyla te pawh an tel.