RTP Bajaj-in The Electric Chetak tlangzarhtlangzarh

RTP Bajaj chuan nimin khan Aijal Club Terrace-ah electric scooter, Electric Chetak a tlangzarh. RTP hming put chhan Rothangpuia (L) nupui Lalthangi chuan Bajaj scooter thar hi a tlangzarh a ni.

Bajaj Chetak hi model chi thum awmin, a body thir vek a ni. Tun dinhmunah erawh model chi khat chiah Mizoramah lei tur awm rihin, RTP Bajaj Showroom-ah a duh tan ngaihven theih a ni. Model dang pawh thla hnih khat hnuah Mizoram a rawn thlen an beisei. Nimina tlangzarh tak Bajaj Chetak hi a battery pawh a ṭha viau a, a duh tan charger spare pawh a lei theih dawn. A man (on road price) chu Rs. 1,12,658 a ni a, Rs. 10,000 aia tlem lo down payment-in Bajaj Finance kaltlangin a lei theih a, warranty hun rei tak chhung an pe bawk.