Justin Bieber Guinness World Records-ah a lang nual!

Music khawvela a hlawhtlinna avangin Justin Bieber chu Guinness World Records 2017 edition-ah a hming a lang nual. Hei hian Bieber hlawhtlinzia a pholang chiang awm e.

A lanna hrang hrang zingah, a hla 'What do you mean' chu chawlhkar khat chhunga Spotify-a stream ngun ber a ni. Hei bakah 'Purpose' album chu chawlhkar khat chhunga Spotify-a album stream ngun ber a ni bawk. Billboard chart lam aṭangin Guinness World Records-ah hian a lang nual bawk. US Billboard Hot 100 (single chart)-a hla, ṭum khata lang hnem ber a ni a, chu bakah chuan Hot 100-ah tho hian hla lang thar ṭum khata nei hnem ber a ni bawk.

UK single chart-a ṭum khata pakhatna aṭanga pathumna thleng luah thei hla nei awm chhun a ni a, Twitter-a zuitu ngah ber a ni a, YouTube-a music channel entu ngah ber a ni a, musician zinga YouTube-a subscriber ngah ber a ni bawk.