Mizo Niftian Association tlangzarh

National Insti­tute of Fashion Tech­no­logy (NIFT) aṭang­a zir chhuak Mi­zote chuan nimin khan Zonet Studio, Zarkawtah "Mizo Niftian Association (MNA)" an tlangzarh a, khuallianah Lal Riliani an hmang. Khuallian chuan Mizo Niftian Asso­ciation logo a tlang­zarh a, hetianga inthu­rual taka pawl din a ṭhat thu leh Mizo ten Fa­shion kan ngaih pawi­mawh zel a ṭul thu a sawi. He hunah hian MNA president Su­san R. Ralte chuan report pein, an pawl hian Mizo fashion industry tih­hmasawn leh tih­chang­tlun an tum thu a sawi. MNA hian October 21 khan Expose Fashion Show an neih tur thu a sawi bawk. NA Mentor leh Mizo fa­shion lama sulsutu Lucy Sailo chuan fuihna thuchah tawi a sawi bawk. MNA-ah hian president hi Rusan R. Ralte a ni a, Bernadean Zo­muanpuii chu sec­retary niin, OB paruk bakah committee member pali an awm.