Amazon documentary-ah King Charles

Britain lal, King Charles chu Amazon Prime Video documentary tharah a lang dawn.

Documentary siam hna hi thawh ṭan tawh niin, Scotland-a Dumfries House-ah shooting an nei mek. UK leh ram pawn lama King Charles charity work chungchang tarlan a ni ang. Kumin kumtawp lam emaw, kum 2026 kum tir lamah emaw pek chhuah tum a ni. King Charles hi environmental humhalh duhtu leh hemi kawnga thawk nasa tak niin, Prince of Wales a nih lai pawhin environment kaihhnawih thilah campaign leh meeting neiin hun a lo hmang fo tawh a ni. Kum 2010 khan Tony Jupiter leh Ian Skelly-te nena nature kaihhnawih lehkhabu, Harmony: A New Way of Looking At Our World tih chu an lo ti chhuak tawh bawk.