Beyonce-in 2025 Cowboy Carter Tour nei dawn

Beyonce chuan kuminah tour a nei leh dawn. Inrinni liam ta zan khan a Instagram kaltlangin a album thar, Cowboy Carter pualin kumina tour a neih tur thu a puang.

January 14 khan Beyonce hian thil pui tham tak puan tur a nei tih a lo sawi tawh a, a fandom, BeyHive te chuan nghakhlel takin an lo ngaichang a, mahse Los Angeles ram kang avangin a thu puan hun hi a sawn hla ta a ni. A tour neih tur thu a puan rualin ram kang tuartute tan a ṭawngṭaisak reng thu a sawi a, huaisen taka kangṭhelh hna thawktu, Los Angeles venghim tura chawl lo thawktute a fakna thu pawh a sawi lang bawk. 'Cowboy Carter' album hi 67th annual Grammy Awards-ah album of the year leh best country album nomination-ah a lang a ni. A country hit 'Texas Hold E; chu song of the year, record of the year leh best country song nomination-ah a lang bawk. 'Cowboy Carter' album hi nikum March thlaa a tih chhuah kha a ni .