Maha Kumbh aṭanga lar Monalisa-i'n film chang dawn

Madhya Pradesh tleirawl, kum 16 mi Monalisa Bhosle chu Prayaraj Maha Kumbh-a a pangpar zuar thlalak internet lamah a viral hnuah a nun a inthlak danglam nasa hle a, tunah chuan film star a ni dawn ta.

Content creator pakhatin Maha Kumbh neih laia Monalisa pangpar zuar lai thla a laksak chuan internet-ah ngaihven a hlawh a, a hmelṭha tak leh mitmeng mawi tak avangin a thlalak hi viral nghal. Miin an bawr nasat tak em avangin a pain in lamah a haw tir phah hial a ni. Film siamtu lam pawhin an ngaihven nghal a, 'The Diary of West Bengal' siamtu, director Sanoj Mishra chuan a film thar, 'The Diary of Manipur' a chang turin a sawm ta a ni. Mishra hian Monalisa leh a chhungte pawh a project hi a sawipui tawh a, tun thla aṭangin shooting hi an ṭan dawn nia sawi a ni.